Jasone Gorroño Aldai

Durana kalean jaioa, aita Aretxabaletakoa zuen eta ama Mendiolakoa. Amak eta amonak hika egiten zioten, eta aitak etxean erdaraz hitz egitea galarazten zien, kalea erabat erdaldunduta zegoen garaian. Mojetan ikasi zuen umetan. Laboral Kutxan egin du lana erretiroa hartu arte, baina euskararen aldeko lanetan ibili da beti: Beinke euskara taldean lehenengo, Loramendi elkartean gero, gau eskolan eskolak ematen... Orain hikalagunean hartzen du parte eta elkarrizketa hitanoari buruz egin diogu, Mila Zubizarretarekin batera.